Transportation Research Board (TRB) — көлік және жол инфрақұрылымы саласындағы заманауи стандарттар, әдістемелер мен саланың негізгі даму үрдістері қалыптасатын жетекші халықаралық платформалардың бірі.
TRB Annual Meeting-ке қатысу кәсіби диалог жүргізу, халықаралық байланыстарды кеңейту және Қазақстанның көлік саласын дамытуда пайдалануға болатын озық әлемдік тәжірибені зерделеу үшін маңызды мүмкіндік болды.
Іс-шараға сондай-ақ Нұрғали Амандыков — «Кәсіби инженерлер – консультанттар Қазақстандық ұлттық қауымдастығы» ЗТБ-ның АҚШ-тағы өкілі қатысты. Бұл қазақстандық инженерлік қауымдастықтың мүдделерін халықаралық кәсіби алаңда таныстыруға және халықаралық ынтымақтастықты нығайтуға ықпал етті.
«Кәсіби инженерлер – консультанттар Қазақстандық ұлттық қауымдастығы» ЗТБ қазақстандық мамандарды халықаралық кәсіби қауымдастыққа интеграциялауды және инженерлік құзыреттерді үздік әлемдік тәжірибелерге сәйкес дамытуды одан әрі қолдайды.
